Procesi i numërimit të votave për zgjedhjen e kryetarit të degës së Partisë Demokratike Himarë ka përfunduar pasditen e së martës.
Mësohet se fituese është shpallur Afrovita Dhimojani, e cila mori 83 vota. Bëhet me dije se nga 413 anëtarë, votuan 212.
Kandidatët pjesëmarrës:
Afrovita Dhimojani mori 83 vota
Alketa Simo 66 vota
Marin Suli 62 vota
Më herët, Komisioni i Rithemelimit njoftoi se do të mbaheshin zgjedhjet për kryetarët e degëve në Bulqizë dhe Himarë.
Në garë për Bulqizën ishin Fatos Hoxha dhe Mislaf Manjani, ndërkohë që për Himarën garuan Afrovita Dhimojani, Kiço Simo dhe Panajot Suli.
Njoftimi i plotë i Komisionit të Rithemelimit
Komisioni i Organizimit dhe Kontrollit të Operacioneve Elektorale të Partisë Demokratike njofton se po zhvillohen zgjedhjet për Kryetar të PD në 2 degë.
Kandidatët për Kryetar dhe qendrat e votimit sipas degëve janë si më poshtë vijon:
PD Bulqizë:
- Fatos Jaho Hoxha
- Shaqir Mislaf Manjani
Qendra e Votimit: Kinemaja e qytetit
PD Himarë:
- Afrovita Dhimojani
- Alketa Kiço Simo
- Marin Panajot Suli
Qendra e Votimit: Zyra e PD Himarë
Komisioni i Organizimit dhe Kontrollit të Operacioneve Elektorale fton të gjithë anëtarët e PD të degëve të sipërpërmendura të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur.
